用Firefox 上PPS 網頁

原來都好多人用Firefox Login 唔到 PPS 網站. 但我自己用Firefox+Ubuntu 就用到. 點解?
特登開Virtual PC, 用 XP Firefox 行 ppshk.com . 第一次又真係去唔到喎.
但係呢, Refresh 幾次又得左. 再Refresh 又唔得, 再 Refresh 又得, 周而復始.
好奇怪.

不過大概估到咩事, 睇番JS error console, 發現係 applet 既 isActive function 間唔中 會 undefined.
至於點"間唔中"undefined, 係因為APPLET 間唔中LOAD 得慢, 間唔中LOAD 得快.
如果網頁LOAD 完, JAVA APPLET 未LOAD完, Javascript enginee 行唔到 isActive, 就脾氣出 runtime error, 停左原本行緊既function, 所以o係"請稍候，系統組件在下載中"度 Hold 死左.

PPS 個 check applet logic 可以寫好D 避左佢.
因為ubuntu firefox同windows firefox 2.0 都冇事, 所以我覺得呢個似係Windows firefox 3.0 既 bug.

至於o係firefox 或者 PPS fix 問題之前既workaround, 就只不過係 call 佢個on_Load() function 多一次.
寫左兩個小script, 自己鐘意用邊個就用啦.

• Bookmarklet: reload_pps
  當你見到"請稍候，系統組件在下載中"時, 又知道applet download 完, 可用呢個Bookmarklet 黎CALL on_Load()
  
  
• Greasemonkey: delay_onload.user.js
  開 login page 第五秒 會 call on_Load() 一次. 如果五秒都Load 唔完, 請用 User Script Command -> On Load Again functon
  

如果你有用開Firebugs / Javascript shell/ Console, 自已打 on_Load() 都OK.